66 pa nadale | BUS VS. VAN, 3 PATAY

TATLO ang kumpir­madong nasawi habang 66 ang sugatan matapos mag­salpukan ang tourist bus at van sa Bgy. Sta. Catalina, Atimonan, Quezon.

Pasado alas-6:00 ng gabi, tinatahak ng AMV Travel and Tours na minamaneho ng suspek na si Maximo Leo­riego, 61, may asawa, ng Grace Park Caloocan City, ang naturang highway at pa­tungo sa direksiyon ng Bicol Region.

Pagdating sa diversion road nang mag-overtake at makasalubong nito ang Isu­zu Wing van na dala naman ng nasawing driver na si Benedict Belencio, 29, ng Calabanga, Camarines Sur. Kapwa nila tinumbok ang unahang bahagi ng kani-kanilang sasakyan hanggang sa nagpagewang-gewang ang dalawang sasakyan at mawalan ng kontrol.

Agad namatay sa in­si­dente ang isang hindi pa na­kikilalang pasahero ng bus habang binawian din ng bu­hay ang driver ng van at ang kasamahan nitong si Mark Sy Gerona, na naipit ang ulo at katawan. Dinala na sa paga­mutan ang mga sugatang pasahero at sumuko sa pu­lisya ang driver ng bus.