Hindi raw sa IBP | ‘BIKOY’, DAPAT SA MENTAL HOSPITAL NAGPUNTA

BINUWELTAHAN kahapon ni dating Special As­sistant to the President Chris­topher ‘Bong’ Go si Peter Joemel Advincula makara­ang magpakilala na siya si alyas Bikoy.

Ayon kay Go, tila nagka­mali ng pinuntahan si Advin­cula kung saan sa halip na nagtungo sa Integrated Bar of the Philippines-National Center for Legal Aid (IBP-NCLA) ay dapat nagtungo na lamang ito sa mental hos­pital.

“May sinabi siya noon na kapag ipinakita ko ang aking likod ay titigil na siya. Hinubad ko na at ipinakita ang aking likod. Wala ka­yong nakitang tattoo. Pala­gay ko, gusto naman niyang makita ang aking bilbil. Kung gusto ninyong makita uli, puwede kong namang ipakita muli. Gusto niyo?” ani Go.

Ayon kay Go, ito na ang huling beses na huhubarin niya ang kanyang damit dahil tila nagiging utu-uto na uma­no siya kung gagawin pa niya ito sa ikatlong beses.

Nauna rito, lumutang na si al­yas Bikoy na nasa likod ng video na nag-uugnay sa ilang ka­anak at mga tauhan ni Pa­ngulong Rodrigo Du­terte sa illegal drug trade.

Nagtungo ito sa tang­ga­pan ng IBP sa Pa­sig City upang hu­mingi ng legal assistance.

Nais umano niyang mag­sumite ng affidavit at mag­hain ng kaso laban sa mga per­sonalidad na isinasangkot niya sa kanyang video na “Ang Totoong Narcolist” series.

Ayon kay ‘Bikoy’, nag­pasya siyang lumantad dahil binabagabag na siya ng kan­yang konsensiya at dahil na rin sa mga pagbabanta na na­tatanggap niya sa kanyang buhay.

Kabilang sa mga tinu­koy na ‘Bikoy’ na sangkot sa droga sina dating Davao Vice-Ma­yor Paolo Duterte, dating SAP Sec. Go at Maneses Car­pio, na asawa ni Presidential Daughter at Davao City Ma­yor Sara Duterte. Binanggit din sa naturang videos ang part­ner ni Pangulong Duterte na si Honeylet Avanceña at ang dalagitang anak na si Kitty, at ang buong Quad­rangle Group na galing sa Bicol.

Mariin namang pinabu­la­anan ni ‘Bikoy’ na konekta­do siya sa sinumang kandi­dato o political party at ma­ging sa senatorial slate ng oposisyon.