MGA PETMALU NA PINOY CUE ARTISTS SASABAK SA U.S. BOGIES 10-BALL

PAGKATAPOS ma­ging bahagi ng center stage sa inaugural World Pool-Billiard Association (WPA) Players Cham­pionship at sa 43rd US 9-Ball Open na pare­hong ginanap sa Las Vegas, Nevada kama­kailan, sisiyapol naman ang mga premyadong manunumbok ng Pili­pinas sa 2019 Bogies Billiards Classic 10-Ball sa palaruan ng Bogies sa Houston, Texas.

Pangungunahan nina Dennis “Robocop” Or­cullo, Zoren James “Do­dong Diamond” Aranas, Jeffrey “The Bull” de Luna, Warren “The Warrior” Kiamco, Ro­berto “Superman” Go­mez at Raymond Fara­on ang pag-atake ng mga Pinoy sa multi-division na kaganapan na magsisilbi ring ma­gandang ensayo nila para sa 2019 World 10-Ball Championship.

Matatandaang sa WPA Championship, sumegunda at tumer­sera sina WPA no. 3 Carlo “Black Tiger” Biado at two-time All Japan king Johann “Bub­wit” Chua ayon sa pagkakasunod-sunod samantalang puma­ngatlo sa US Open si de Luna, kilala rin sa ban­sag na “Jeff Bata” dahil sa halos parehong estilo nila ng alamat na si Efren “Bata” Reyes, ba­gamat sumali sa dala­ wang kompetisyon ang mga pinakamalulupit na bilyarista mula sa iba’t-ibang parte ng mundo.

Pero sa sagupaan sa Texas, ilang de-kalib­reng cue artists ang na­kahambalang sa kanila.

Ang talaan ay kinabi­bilangan nina WPA no. 2 Alexander Kazakis ng Greece, Ca­nadian John Morra, Omar Al-Sha­heen ng Kuwait, Taiwa­nese Chang Jung-lin, Mika “Iceman” Immo­nen ng Finland at ang mga Amerikanong sina Johnny Archer, Josh Ro­berts, Max Eberle at Justin Berg­man.