Pinagbantaang sisilaban ang mukha MISTER, NIRATRAT NG KABIT NI MISIS

PATAY ang isang la­laki makaraang mabaril ng na­kaalitan nitong guwar­diya na hinihinalang ka­laguyo ng ki­nakasama ng biktima sa Que­zon City.

Batay sa ulat ni Police Captain Roldan Dapat, ki­nilala ang biktima na si Mario Palma Nabia, 40, ba­surero at walang per­manen­teng tirahan.

Arestado naman ang sus­pek na si Merline Jovi Casas, 20, binata, security guard.

Nangyari ang krimen alas-3:05 ng Lunes ng ha­pon sa abandonadong gu­sali kung saan nakata­laga ang guwardiya.

Ayon sa nakasaksing si ‘Efren’, nakita nitong nag-aaway si Nabia at ang kina­kasamang si ‘Linda’ sa labas ng na­banggit na gusali.

Maya-maya pa ay nila­pitan ni Nabia na may bit­bit na tubo at lata na nag­­lalaman ng urethane thinner si Casas at inutu­san itong iwanan ang bi­na­bantayang gusali.

Nagbanta pa umano si Nabia kay Casas na sasa­buyan ng thinner sa muk­ha at sisilaban kung hindi aalis.

Ikinagalit umano ni Ca­sas ang banta ni Nabia kaya pinagbabaril niya ito gamit ang shotgun.

Hinala ng mga awto­ri­dad, posibleng ang na­banggit na guwardiya ang pinagse­losan ng biktima na umano’y kalaguyo ng kanyang live-in partner.