Kaalaman tungkol sa senior citizen discount at promotional discount

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Senior citizen ang aking ina, noong bumili kami sa grocery ay hindi binigyan ng dalawampung por­siyento (20%) na discount ang produkto na kanyang binili at ang dahilan ng customer assistant ay naka-promotional discount daw ang kanyang binili na tatlumpung porsiyento (30%). Nais kong ma­la­man kung tama ba ang ginawa ng customer assistant? — Merly

Dear Merly,

Para sa inyong ka­ala­man, ang inyong katanu­ngan ay tinata­lakay sa Republic Act No. 7432, as amended by Republic Act No. 9257 o Expanded Senior Citizens Act of 2003. Nabanggit sa Section 4 ng nasabing batas na:

“SEC. 4. Privileged for the Senior Citizens. – “In the purchase of goods and services which are on promotional discount, the senior citizen can avail of the promotional discount or the discount provided herein, which­ever is higher.”

Malinaw na nabang­git sa nasabing probis­yon ng batas na kapag bumili ang senior citizen ng kalakal o anu­mang serbisyo na naka-promotional discount ay maaari lamang ni­yang mapakinabangan ang isa sa mga ito, kung alinman ang mas mata­as ang diskuwento sa pagitan ng senior citizen discount o promotional discount.

Nawa ay nasagot namin ang inyong katanungan. Nais na­ming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkaka­in­tindi namin dito. Maaa­ring maiba ang opinyon kung mayroong karag­da­gang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagtitiwala.