DILIMAN, LUMAKAS ANG TSANSA SA PLAYOFF BERTH NG D-LEAGUE

PINALAKAS ng Di­liman College-Gerry’s Grill ang kanilang tsan­sang makasungkit ng play­off berth matapos ang 108-95 na paggapi nila sa sa Wang’s Basketball ka­hapon sa 2019 PBA D-Lea­gue sa JCSGO Gym sa Cubao.

Umiskor ang Beninese big man na si Kevin Gandjeto ng team-best 33 puntos, bukod pa sa 17 re­bounds, 3 steals at 2 blocks upang pamunuan ang Blue Dragons sa pagtaas sa patas na markang 3-3 pa­nalo-talo.

Dahil sa panalo, nani­niwala si Diliman-Gerry’s coach Rensy Bajar na kaya pa nilang mapasama sa top four ng Foundation Group.

“The way we’re pla­ying, we’re starting to pick up. I think we can show some more and play good basketball,” wika ni Ba­jar.

Mula sa 40-21 na ka­lamangan, pinalawig pa ito ng Blue Dragons sa 62-39, sa pamumuno nina Gand­jeto at Joseph Brutas, ngu­nit natapyas ito ng Couriers sa 62-70, may 2:18 pang oras na natitira sa third quarter.

Gayunman, pagdating ng fourth canto, nakontrol na nila ang laro sa pangu­nguna ni Gandjeto.

Namuno si Axel Inigo na umiskor ng 33 puntos para sa Couriers na bu­magsak sa 3-4 na rekord ma­tapos ang 3 game losing skid. (VA)