3 sunog sabay-sabay sumiklab sa kyusi
APEKTADO ang maraming pamilya sa tatlong sabay-sabay na sunog na naganap sa Quezon City, Martes ng hapon.
Batay sa paunang impormasyon mula sa Bureau of Fire Protection (BFP), aabot na mahigit 400 bahay ang tinupok sa sunog sa Ambuklao, Mendez Road, Bgy. Baesa sa nasabing lungsod.
Alas-6:00 ng gabi nang itaas sa Task Force Bravo ang sunog sa Bgy. Baesa kung saan isa ang paunang naiulat na nasugatan.
Kasabay ng sunog sa Bgy. Baesa ang paglaki rin ng apoy sa Sinagtala, Bgy. Bahay Toro na iniakyat sa ikalimang alarma.
Sinasabing gawa sa light materials ang mga bahay na tinupok sa dalawang barangay kaya mabilis na lumaki ang apoy.
May naganap ding sunog sa Bgy. Sto. Cristo ng nabanggit na lungsod na itinaas sa third alarm.
Patuloy pa ang pagsisikap ng mga bumbero na sabay-sabay na maapula ang apoy habang isinusulat ang balitang ito.
Comments