Nagpapagamot sa albularyo

Socrates Magnus

Salaminin natin ang pa­naginip ni Melyn ng Melyn_Perlada@facebook. com

Dear Professor,

Nakapila ako sa mang­gagamot, mahaba ang pila at kasama ko ang dalawa kong kapatid na babae. Sa panaginip ko, lalaki ang naglilista ng mga panga­lan, tapos, ‘yung babae ang nanggagamot.

Nu’ng ako na ang ga­gamutin ay pinaghugas ako ng mga kamay gamit ang palangganang may malamig na tubig dahil puno ng yelo, ramdam ko ang lamig, tapos, pinainom ako ng isang kutsarang vi­ta­min.

Ang sabi ng babae na nagsubo sa akin ng gamot ay tumingala raw ako at magdasal nang taimtim.

Habang nagdarasal ako ay lumalabas sa mata, ilong at tainga ko ang ga­mot na ipinainom niya sa akin. Natatandaan ko ang aking ipinagdasal, ang pa­galingin ako sa aking ka­ramdaman.

Pagkatapos, sumunod na sa akin ang kapatid ko dahil siya naman ang mag­papagamot.

Ano ang ibig sabihin nito?

Maraming salamat!

Naghihintay,

Melyn

Sa iyo Melyn,

Ang sagot sa panaginip mo ay maaaring sabihin mong walang kinalaman sa iyong buhay.

Ayon sa panaginip, ang problema mo ngayon ay prob­lema sa buhay-mag-asawa dahil ang asawa mo ay hindi gaanong nakatutu­gon sa responsibilidad niya sa iyo.

Ang ganitong problema ay hindi nagagamot ng ag­ham ng medisina at mas lalong hindi nagagamot ng albularyo.

Pero, ang solusyon ay ang kapwa pamamahinga ng mag-asawa kung saan li­limitahan ang mga aktibidad na nakapapagod at ang re­komendasyon ay maiksing pamamasyal, paglilibang at pagsasaya.

Ang panonood ng TV shows at movies ay inirere­komenda rin. Ang sabay na pagkain, pero habang ku­makain ay hindi dapat pag-usapan ang trabaho o mga gawain at ang tutukan ay ang masayang kuwentuhan.

Maganda rin na magtu­lungan sa mga gawaing-ba­hay tulad ng paglilinis, pag­luluto, paglalaba at iba pang mga gawain na ang mag-asawa ay kumikilos nang magkasama.

Muli, maaaring hindi mo paniwalaan, pero ito ang totoong kahulugan ng iyong panaginip. Ang isa pang da­pat mong malaman ay ikaw ngayon ay malapit ng talu­nin ng iyong kalungkutan.

Hanggang sa muli, Professor Seigusmundo del Mundo