Mag-utol timbog sa droga

HULI ang magkapatid makaraang magsagawa ng buy-bust operation ang mga pulis kamakalawa ng hapon sa San Carlos City, Pangasinan.

Kinilala ang nadakip na sina Marlon at Lycel Conception, pawang mga nasa tamang edad, mga may asawa at naninirahan sa Bgy. Tarektek.

Ayon sa imbestigasyon, bandang hapon nang magsagawa ng buy-bust operation gamit ang marked money at isang nagpanggap na buyer.

Ilang sachets ng shabu ang nakumpiska mula sa mga suspek.

Napag-alaman sa mga suspek na wala umano silang ipakakain sa kanilang pamilya kung hindi sila magtutulak ng shabu kaya napilitan silang gawin ito.

Sa Maynila pa umano kinukuha ng mga suspek ang kanilang itinutulak na droga.