Bahay ginawang drug den | MISIS TIMBOG

ARESTADO ang ginang habang nakatakas ang kanyang mister nang salakayin ng mga awtoridad ang kanilang bahay na ginagawa umanong drug den sa Pangasinan.

Kinilala ang nadakip na si Marlyn Kolin, nasa hustong edad.

Ayon sa imbestigasyon, umaga nang salakayin ang bahay ng mag-asawa sa bisa ng search warrant na ipinalabas ng korte.

Nakumpiska mula sa bahay ang mga pakete ng shabu na nagkakahalagang P80 libo.