Sey ng experts... MADALAS NA PAG-UPO, NAKAKARUPOK NG BUTO!

Donna Thea Topacio / Gulat ka 'noh?!

‘YUNG tipong nakaupo ka, pero ta­tayo ka para humanap ng ibang mauupuan. Ha-ha-ha! Ano, mga beshy, puro upo na lang ba? Bad ‘yan, lalo na sa kalalakihan dahil ayon sa pag-aaral, ang “couch po­tato” lifestyle ay prone sa pagkakaroon ng ma­rupok na mga buto. Ganern! De­hins lang tao ang marupok, tandaan ninyo ‘yan!

Ayon sa mga eksperto, nadiskubre nila sa pag-aaral na ang mga lalaki na madalas nakaupo kum­para sa mga babae ay nagkakaroon ng ma­rurupok na buto, partikular sa kanilang lower back.

Sa pag-aaral na nai-published sa Journal of Public Health, sinasabing ang pagkakaroon ng “sedentary lifestyle” ng mga lalaki ang dahilan kung bakit sila nag­kakaroon ng marurupok na mga buto na maa­aring humantong sa pagkakaroon ng osteopo­rosis.

Sa katunayan, sa UK ay mayroong kaso ng half a million fragility fractures na karamihan ay kinabi­bilangan ng mga lalaki.

Dagdag pa rito, knows ba ninyo ang pag­­kakaroon ng marurupok na buto ay prone rin sa pagkaka­roon ng Type 2 diabetes?

Ito ay dahil ayon kay Dr. Karen Hind ng Department of Sprot and Exercise Sciences mula sa Durham University, sa oras na nag­karoon ng excessive sedentary ang indibid­­wal, dito bumagabal ang kan­yang metabolismo na nagreresulta sa pagiging overweight o obese.

Samantala, bilang solusyon upang magka­roon ng matibay na mga buto, ipi­napayo ng mga eksperto ang 10,000 steps kada araw, gayundin, ang pagiging active upang maaga­pan ang panganib sa pag­kakaroon ng iba’t ibang sakit na may ka­ugnayan sa buto o kasu-kasuan.

Kaya sa mga beshy natin diyan na madalas nakaupo, tayu-tayo rin ‘pag may time, okay?

Alam nating minsan, masarap humilata sa upuan, pero kung ito ay ating makasasanayan, tayo rin ang mahi­hirapan.

Gets mo?