PHL WOMEN HOCKEY PLAYERS, INSPIRASYON ANG GOLDEN FINISH

INAASAHAN na ang tagumpay ng Philippine Women’s Ice Hockey team sa nagdaang 2019 IIHF Women’s Hockey Challenge Cup sa Abu Dhabi ang magpapaibayo ng sport sa bansa at makapagbibigay inspirasyon sa mga nagnanais maging atleta nito.

Naniniwala sina National team coach Carl Michael Montano at tatlo sa kanyang top players na sina Eadrea Choi Ham, Georgie Ann Regencia at Jana Franchesca Nery na ang mga Pinoy ay may taglay na skills sa hockey kahit na walang niyebe sa bansa upang mas maging pinakamahusay sa mundo.

Umaasa si Montano, kasama ang kanyang tatlong players na nagsalita sa 19th “Usapang Sports” na itinaguyod ng Tabloid Organization in Philippine Sports (TOPS) sa National Press Club sa Intramuros noong Huwebes na ang tagumpay ng kababaihang team sa hockey ay maduduplika rin ng men’s team sa 30th Southeast Asian Games sa Manila sa Nob. 30-Dis. 11. “Hockey is really starting to grow here. And the more we develop and the more hockey becomes popular, the more players will be interested to play,” ayon kay Montano, isang hockey player na Pinoy na lumaki sa Canada bago nagbalik sa Pilipinas noong Marso 2011. “Filipinos can be great in this sport. I know a lot of pure Flipinos born and raised in Manila who have excelled in hockey.” At nang tanungin hinggil sa tsansa ng bansa sa SEA Games, sinabi ni Montano na kumpiyansa siya para sa gold medal sa men’s division.

“I think the men’s team is really looking good right now. The team is focused and determined to repeat as champions in the SEA Games,” ayon kay Montano, miyembro ng Philippine team na nakasungkit ng gold medal noong 2017 edition ng SEAG sa Malaysia. Ang pinal na komposisyon ng national team ay malalaman pa hanggang Oktubre at inaasahan ni Montano na muling makapaglaro para sa bansa sa SEAG.

“We still have a long way to go with seven to eight months before the SEAG. We will still have tryouts and preparation will be a lot more intense,” paliwanag ni Montano, na natuto sa paglalaro ng hockey sa edad na 9. “But I expect to see the same players who played in 2017. There are some players who have retired but we also have a lot of younger players coming up from junior to men’s team.” Wala kasing women’s competition ng hockey sa SEAG dahil tatlong bansa lamang ang nagkainteres na lumahok sa event. (MC)