Pati pagpapatayo ng ospital nadadamay sa politika, tsk-tsk-tsk!

KA AMBO / BISTADO

NATUWA ang ma­mamayan ng Malabon City nang bisitahin ni P-Digong ang pagtatayuan ng bagong San Lorenzo Ruiz Women’s Hospital sa Luis Street sa Bgy. Panghulo.

Mula sa 10-bed capacity, ang munting ospital ay magiging ganap nang “general hospital”.

Klap-klap-klap!

◘◘◘

ANG problema, kino­kon­­tra mismo ni Mayor “Lenlen” Oreta ang pagta­tayo ng naturang ospital sa naturang lugar, gayung may sapat itong espasyo at mala­wak.

Pormal na kinontra ng city hall ang naturang proyekto dahil mula ito sa inisyatiba ng kongresis­tang si Ricky Sandoval na may-akda ng panuka­lang-batas!

◘◘◘

Sa kasalukuyan, ang SLRWH sa Bgy. Santulan ang itinuturing na pinaka­maliit na pampublikong ospital sa Metro Manila.

Mayroon lamang itong sampung bed capacity, pero ito ay nagbibigay-serbisyo sa kababaihan at bata sa Malabon City!

◘◘◘

SA liham na ipi­nadala sa Malacañang, sinabi ng city hall na maliit ang espasyo sa paglilipat ng ospital, pero kinontra ito ng mga residente.

Nagiging biktima ngayon ang mga benepisaryo ng natu­rang ospital dahil sa away-politika sa Malabon City.

Kung paano ito rere­solbahin ng Malacañang ay malaking katanungan!

◘◘◘

HINDI dapat ma­gambala ang pagpapatayo ng naturang ospital dahil direk­tang matutulungan nito ang mga nagdarahop na pamilya.

Hindi dapat pang maki­­pagsiksikan ang mga taga-Malabon sa iba pang public hospital!

◘◘◘

HINIHILING ng mama­mayan kay P-Digong na bigyan ng prayoridad ang mabilis na implementasyon sa naturang ospital bago matapos ang kanyang termino.

Sa sobrang init ng pa­nahon, marami ang nag­kakasakit kaya magan­dang programa ito na hindi dapat magambala!