Kagawad tepok sa gunman

LUCENA CITY—Isang barangay kagawad ang namatay nang barilin ng hindi kilalang armadong salarin, kamakalawa sa Dalahican Road, Bgy. Mayao sa lungsod na ito.

Ang biktima ay nakilalang si Kagawad Ariel Sotomayor, residente ng Bgy. Ibabang Dupay sa nasabing lungsod.

Nabatid na habang minamaneho ni Sotomayor ang kan­yang motorsiklo at kaangkas ang kanyang misis nang sumulpot ang suspek at agad pinagbabaril ang biktima.

Iniimbestigahan na ng pulisya ang motibo ng suspek sa pamamaslang sa biktima.