4 kulong sa baril at droga

APAT na hinihinalang drug personalities kabilang ang tricycle driver na sideline umano ang pagtutulak ng iligal na droga ang arestado sa drug buy-bust at anti-criminality campaign ng pulisya sa Malabon City.

Sa tinanggap na ulat ni Malabon Police Chief P/ Col. Jessie Tamayao, alas-9:30 ng gabi nang ikasa ng mga operatiba ng SDET sa pangunguna ni PLt. Rolan­do Domingo ang buy-bust operation sa Tiwala St., Bgy. Tonsuya na nagresulta sa pagkakaaresto sa tricycle dri­ver na si Rizaldy La Fuente alyas Cogan, 28, pus­her, ng Bgy. Longos at Luisito Gar­ganta alyas Luis, 40, user, ng Sito Balut, Bgy. Tonsuya.

Nakumpiska sa mga suspek ang limang sachets na naglalaman ng hindi pa matukoy na halaga ng hini­hinalang shabu at buy-bust money.

Alas-2:00 naman ng ma­daling-araw, nagsasagawa ng anti-criminality campaign ang mga tauhan ng PCP-3 sa pangunguna ni PSSgt. Jeffer­son Catalan sa kaha­baan ng Labahita St., Bgy. Lo­ngos nang isang con­cerned citizen ang lumapit at ini-re­port ang hinggil sa dalawang lalaki na naghahamon ng away habang armado ng baril.

Agad rumesponde sa naturang lugar ang mga pulis na nagresulta sa pagkaka­aresto kina Rudy Boy Bar­ce­nas alyas Bunso, 34, at Christian Roberto alyas Ian, 19, kapwa ng Bgy. 14, Ca­loo­can City at narekober sa mga suspek ang isang cal. 9mm pistol na may tatlong bala at dalawang sachets ng hinihinalang shabu.