Kasabay ng brownouts | DAGDAG-SINGIL SA KURYENTE

MATAPOS ang serye ng mga brownout sa ilang bahagi ng Luzon, kailangang pag-aralang muli ang Electric Power Industry Reform Act (EPIRA) upang busisiin ang kakulangan sa suplay ng kuryente at nagbabadyang pagtaas sa presyo nito.

Ayon kay dating Senate President Juan Ponce Enrile, walang hustisya sa nagba­bad­yang pagtaas sa presyo ng kuryente lalo na’t paulit-ulit naman ang brownout.

Matatandaang, noong Abril 12 at 15 nang maka­ranas ng mga brownout ma­tapos ianunsiyo ng National Grid Corporation of the Philippines (NGCP) na ma­baba na ang suplay ng kur­yente sa ilang rehiyon.

Ayon sa Department of Energy (DOE), ang dahilan ng kakulangan sa suplay ay ang serye ng mga hindi ina­asa­hang pagsara ng ilang planta habang may iba ring kinu­kumpuni nitong buwan.

Kaugnay nito, dapat uma­nong pag-aralang muli ng pamahalaan ang kontrata nito sa mga kumpanya ng kuryente.

Nang ipinasa ang EPIRA noong 2001, si Enrile ang ta­nging senador na kumontra sa nasabing batas. Sa mga sumunod na taon, nagka­totoo ang hinala ng mamba­batas na hindi matutupad ang pangako ng EPIRA na ibaba ang presyo ng kur­yente. (BRT)