GABUCO, NAKA-GOLD SA ASIAN BOXING

PINATUNAYAN ni Josie Gabuco na mali ang kanyang detractors nang masungkit niya ang gold medal sa light fly­weight division ng Asian Boxing Championships nitong Biyernes sa Indoor Stadium ng Hua Mak Sports Complex sa Bang­kok, Thailand.

Si Gabuco, 32-anyos na ina at miyembro ng national boxing team sa loob ng 15 taon ay ‘laos’ na raw pero pinatunayan niya sa kanyang final bout kay Kim Hyang Mi ng North Korea, na mas mabilis siya at mala­kas.

Agad pinuri ni coaching consultant Don Abnett ng Australia si Gabuco sa naging training nito. “She’s a talented girl with a lot of heart and has the ability to confuse the enemy. In the finals match, she made the North Korean lass miss so many punches and delivered her own ones and twos to seal the deal.”

Pinuri rin ni Abnett ang local coaches na sina women’s head coach Nolito Velasco at assistant Mitchel Martinez sa ginawang preparasyon ni Josie. “They did a fantastic job,” dagdag ni Abnett. Naka-bronze medal naman si Ian Clark Bautista sa bantamweight nang sumuko siya sa close split decision sa semifinal match kontra Mrazuzbek­Mir­­zahalilov ng Uzbekistan.