Feeling confused kung mag-i-stay sa pamilya kahit hindi na masaya

Dear Roma,

Ako si Clark, 35 years old. May dalawa na akong anak sa live-in partner ko. Hindi ko talaga mahal ang kinakasama ko at alam niya ‘yun, pero ma­pilit talaga siya at mahal daw niya ako. Noong una, lasing lang ako at wala sa sariling katinuan kaya hindi ko alam ang mga pinaggagawa namin nu’ng gabing nagkainu­man ka­ming dalawa. Sinabi ni­yang ako ang ama ng dina­dala niyang bata. Ayaw kong maniwala, ngunit, nang maisilang niya ang sanggol ay dama ko na ako ang ama at hin­di maika­kaila sapagkat may pag­ka­kahawig ito sa akin. Dahil sa anak ko, napag­pasyahan kong hu­wag silang iwanan kahit pa hindi ko talaga mahal ‘yung babae. Dapat ko bang iwanan ang ina ng mga anak ko gayung nag­kakasundo na kami ng babaeng tunay na mina­mahal ko at bigyan na lamang ng sustento ang aming dalawang anak kung sakaling hindi sila ibibigay sa akin ng kani­lang ina? — Clark

Clark,

Una sa lahat, 'tol, isipin mo muna ng ilang libong beses ang gagawin mong desisyon. Kung iiwanan mo ang ina ng mga anak mo para sa babaeng hindi ka sigurado kung mamahalin ka rin ba ng pangmatagalan tulad ng pagmamahal niya, sa tingin mo ba ma­pabubuti nito ang buhay mo at buhay ng mga anak mo? Kung hindi mo pala siya mahal, sana hindi na kayo nag-anak ulit. Ang tunay na es­sence ng pagiging magu­lang ay hindi matutumbasan ng anumang halaga ng pera. Kung talagang iniisip mo ang kapakanan ng mga anak mo, magpakaama ka para sa kanila. Sa huli, de­sisyon mo pa rin ang susun­din mo. Sana lang ay huwag kang magsisi sa anumang desis­yong gagawin mo. Good luck, 'tol!