Tiniyak nina P-Duterte at Xi Jinping | WALANG GIYERA SA WPS

KAPWA tiniyak nina Pangulong Rodrigo Duterte at Chinese President Xi Jinping na walang mangyayaring kaguluhan kaugnay sa pagresolba sa territorial conflict sa West Philippine Sea.

Sa inilabas na pahayag ni Presidential Spokesperson Salvador Panelo, inilutang ng pangulo ang isyu kaugnay sa WPS partikular ang sitwasyon sa Pag-asa Island sa idinaos na bilateral meeting kasama si Xi.

“Both agree that the situation can be managed by the mechanism of bilateral negotiations but it should not affect the cooperation being undertaken by both the Philippines and China and they look forward to a productive discussion on matters of mutual concern and interests,” ani Panelo

Sinabi rin nito na tinukoy ni Xi ang kahalagahan ng tiwala at ang maayos na pagresolba sa mga isyu sa pagitan ng dalawang bansa.

“While the Chinese leader acknowledged the inevitable of having challenges to the bilateral relations, he placed importance on the mutual trust that exists between the two nations in order to resolve the same,” ani Panelo.

Inihalimbawa rin umano ni Xi ang Memorandum of Understanding on Oil and Gas kung saan nagkasundo sa joint exploration na kapwa napakinabangan ng dalawang bansa at ng mga mamamayan.

Ani Panelo, inihayag din ng pangulo na nananatili rin kaalayado ng Pilipinas ang China sa Southeast Asia.