Dance battle pang-front, 17 bebot biktima | ‘FB BUGAW’, BUKING!

NASAGIP ang 17 babae na ginagamit umano sa prostitusyon sa Cavite.

Batay sa ulat, walo sa mga biktima ay pawang menor-de-edad na ibinubugaw sa halagang P5,000.

Kaugnay nito, naaresto ang isang 17-anyos na siya umanong nagbubugaw sa mga biktima. Niyaya niya ang mga ito sa social media at tinagpo sa Las Piñas.

“Sabi po party lang daw, sasayaw,” ayon sa isang biktima.

Ginamit din umanong pang-front ang isang dance battle o ‘Twerking Battle’ kung saan maaari umanong manalo ng P5,000 ang mga babae.

Giit ng suspek, nitong taon lang niya sinimulan ang pambubugaw at kumikita umano siya ng P1,500 kada babae. (BRT)