6 yrs. old nag-swimming sa quarry site, tigok

DEDO ang 6-taong gu­lang na babae maka­raang malunod sa quarry site sa Padsan River sa Bgy. Zam­boanga.

Kinilala ang nasawi na si Denise Joy Tejada, ng Bgy. Araniw.

Ayon sa kanyang ama na si Noriel, naligo si Denise kasama ang 7-taong gulang na kapatid na babae habang nangu­nguha naman silang mag-asawa ng shell sa ilog.

Nagtaka na lamang ang mag-asawa nang alas-5:00 na ng hapon ay wala pa rin ang bata.

“Kinabahan na ako kaya sumisid ako sa ilog dahil alam kong nan­doon siya,” ani Noriel na nagta­­trabaho bilang back­­hoe ope­rator sa quarry site. Gayunman, matapos ang dalawang oras na pag­hahanap, nakita ang biktima na wala nang malay 300 metro ang layo mula sa lu­gar kung saan posibleng na­lu­nod ang bata. Dinala pa ito sa paga­mutan subalit, idineklara nang dead-on-arrival. (BRT)