Alamin mula kay Señor... KAALAMAN TUNGKOL SA MGA ESPIRITUWAL NA PERSONA

Sr. Socrates Magnus II

Bigyang-daan natin ang pagpapatuloy sa ka­sagutan sa email ni Russel ng Russel_Russel@ facebook.com

Sa iyo Russel,

Noong nakaraan ay ibinahagi natin ang ilang pa­niniwala kung kailan malapit ng mamatay ang tao. Ngayon ay isa-isahin natin ang mga nabanggit na senaryo.

Kaya may namamatay kapag umaalulong ang aso dahil may kakayahan itong makita ang hindi nakikita ng tao o ‘yung mga kaluluwa at espiritu tulad ng multo, aswang at maging si kamatayan. Si kamatayan ay espirituwal na persona kaya nakikita siya ng aso.

Ang pagpapakita ng kuwago o owl ay dahil ang ma­mamatay ay dumaraing.

Medyo mahirap paniwalaan dahil bihira lang ang naka­aalam nito, pero sa mga lugar na may kuwago, hin­di lingid sa kanilang kaalaman na ito ay kumakain ng daga, pero maki­kitang hindi lahat ng laman ng daga ay kinakain dahil ang kinakain lang nila ay laman-loob.

Kaya nga ang kuwago ay madalas na makapambik­tima ng mga kambing at manok.

Dahil dito, sinuwerte ang kuwago at ang minalas ay ang taong pinagbibintangang aswang.

Bukod pa rito, ang kuwago kahit na hindi ma­gan­dang ibon ay maihahalintulad sa magandang babae at guwa­pong lalaki, kaya kung papansinin ninyo, halos magkatunog ang kuwago at guwapo.

(Itutuloy)