Luzon, Visayas, Mindanao magkakasunod na nilindol | EARTH, NAGPAPARAMDAM — DENR

ANG sunud-sunod na lindol sa bansa ay maaari umanong “pagpaparam­dam” ng mundo dahil may mensahe itong nais iparating, sabi ni Environment Secre­tary Roy Cimatu nitong Mi­yerkules.

“Baka paraan ito ng pag­paparamdam ng Earth. Sabi niya ‘yayanigin ko [ito] some more,” sabi ni Cimatu.

Matatandaang, noong Lunes, niyanig ng Magni­tude 6.1 na lindol ang Central Lu­zon, Magnitude 6.5 sa Vi­sayas noong Martes at si­nun­dan pa ng Magnitude 4.5 aftershock sa Castillejos, Zambales.

Naitala naman kahapon ang magka­sunod na lindol sa Davao Occidental at Davao Orien­tal bago mag-alas-12:00 ng tanghali ng Miyer­kules.

Unang naitala ng Philip­pine Institute of Volcano­logy and Seismology (Phivolcs) ang Magnitude 4.5 sa layong 374 kilometro ng Sarangani, Davao Occidental na may lalim na 270 kilometro.

Wala namang naiulat na intensity at aftershocks at hin­­di na inaasahan na mag­dudulot ng pinsala.

Sumunod namang ni­yanig ng Magnitude 4.7 ang Baganga, Davao Oriental alas-11:43 ng umaga.

May lalim na 11 kilo­metro ang lindol na tectonic ang origin. Naitala ang ins­trumental Intensity 1 sa Bis­lig City, Su­rigao del Sur.

Ayon kay Henry Peña­rubia, Science Research Specialist ng Phivolcs, wa­lang inaasahang pinsala sa naturang mga lindol sa Da­vao na normal na rin uma­nong nararanasan.