PETRON-LETRAN, DINALE ANG VIRTUAL REALITY SA D-LEAGUE

NAUNGUSAN ng Pet­ron-Letran ang St. Clare College-Virtual Reality, 91-90, kahapon sa pagpapa­tuloy ng 2019 PBA D-Lea­gue sa JCSGO Gym sa Cubao.

Mainit ang naging simula ni Alvin Pasaol sa ibinuslong na 10 first quarter points upang giyahan ang Knights sa pagtayo ng 31-11 bentahe bago muling kumamada sa final stretch kung saan isi­nalansan niya ang 8 sa huling 11 puntos ng koponan upang tumapos na may 28 puntos bukod pa sa 7 rebounds, at 3 assists.

May tsansa pa sana ang Saints na maagaw ang panalo matapos ang baseline jum­per ni Paul Santos ngunit, tinawagan ng offensive foul ang teammate nyang si Junjie Hallare dahil sa ginawa ni­tong moving screen sa may natitirang 1.7 segun­do sa oras.

Nag-ambag naman si Jeo Ambohot ng 11 puntos at 9 na rebounds sa nasabing panalo.

Bunga nito, inangkin ng Knights ang solong ikatlong puwesto sa Aspirants Group sa pag-angat sa markang 5-2, habang ibinaba nila sa ika-4 na puwesto ang dating pu­mapangalawang Saints ma­tapos malaglag sa karta­dang 4-2.

Tumapos na topscorer si Hallare para sa St. Clare sa itinala nitong 22 puntos at 7 rebounds. (VA)