Lalaki ginulpi ng mag-utol, dedbol

PUSPUSAN ang pagtugis sa mag-utol matapos nilang pagtulungang patayin ang isang magsasaka sa Bgy. Binahian B, Lopez, Quezon.

Pasado alas-6:00 ng gabi, kagagaling lamang sa kanyang taniman ang biktimang si Celso Manalo, 60, nang abangan ito ng mga suspek na sina Nickson at Evelyn Utalla, kapwa naninirahan sa nasabing lugar.

Pagkakita sa biktima, agad nilang ginulpi saka hinataw ng matigas na bagay sa iba’t ibang parte ng katawan bago nagsitakas.

Mabilis siyang isinugod sa ospital ng mga nakakita sa lugar subalit, binawian din ito ng buhay.

Sinasabing dati nang may alitan ang biktima sa pamilya ng mga suspek at posibleng ginantihan lamang ito.