Huwag daw kayong makipagsosyalan ngayong taon... KAALAMAN KUNG PAANO MAKAIIWAS ANG UNGGOY SA PAGKALU

Maestro Honorio Ong

NGAYONG 2019, may panganib na maka­ligtaan ng Unggoy ang mga bagay na may kaug­nayan sa pamilya at re­lasyon, kung mangya­yari ‘yun, medyo magka­ka­roon ng bahagyang prob­lema sa nasabing lara­ngan.

Kaya kung ikaw ay Unggoy, ngayong 2019, anumang proyekto ang iyong mapagkaabalahan, maa­aring sa lipu­nan, ne­gosyo, pagla­lakbay o kung saan ka man mapadpad upang ma­panatiling buo at matatag ang pamilya at ang pa­ki­ki­pag­relasyon sa iyong minamahal, mas ma­inam kung palagi mo silang ala­lahanin at bi­bigyang-ha­laga sa bawat sandali ng iyong buhay.

Dagdag pa rito, si­na­sabing kung palagi mong bibigyang-halaga ang iyong pamilya at ang mga taong nagmamahal sa iyo at minamahal mo, sila rin ang aalalay, susu­porta o tutulong sa iyo ngayong Taon ng mga Baboy, ga­yundin, sila ang magtu­tulak sa iyo upang lalo mong mapalago at mapa­unlad ang aspetong ca­reer at pangkabuhayan.

Tunay ngang sa tu­long nila, maraming pag­kilala sa lipunan ang iyong mata­tanggap ngayong 2019. Kailangang-kaila­ngan ng Unggoy ang su­porta at alalay ng kanyang pa­milya dahil maaari si­yang masuong sa mga kon­tro­ber­siya at intriga.

Kaya nga sa pana­hong ma­ra­ming mga lihim at lanta­rang naiinggit at na­ninira sa Unggoy, ang pa­milya at mga mahal niya sa buhay ang siguradong a­alalay, dedepensa at mag­­tatanggol sa kanya.

Sa aspetong pampi­nan­siyal, sinasabing ma­lalaki at biglaang kita ang mahahawakan ng Ung­goy, ang problema lang, may tendency na mali­bang ang Unggoy sa ma­raming mga gawain at sa tagumpay na kanyang ma­tatamo at ang posib­leng mangyari, habang siya ay nalilibang sa tagumpay, ‘yung mga pinagkakauta­ngan niya ay posibleng hindi na niya mapansin o mabigyan ng sapat na aten­­siyon, kaya sa ba­n­dang huli, makikita na la­mang ng Unggoy na ‘yung mga dati niyang utang ay lu­malaki na ang inte­rest at tubo habang ang mga taong nakalig­taan ni­yang bayaran ay su­nud-sunod at big­la­ang maniningil sa kanya.

Kaya ka­hit sa­bi­­hin pang su­ma­gana at umun­­­lad ang kabuhayan ng Ung­goy, kung magi­ging pa­baya siya sa mga pinag­ka­ka­utangan niya, sa ha­lip, na kasaganahan ay ma­a­aring legal battle o sulira­ning panghukuman ang masadlakan ng Ung­goy ngayong taon.

Sinasabi ring hindi da­pat makipagsosyalan ang Unggoy ngayong Ta­on ng mga Baboy upang hin­di siya masuong sa pa­nganib at pagkalugi. Ga­yundin, kapag naki­pag­­sosyo ang Unggoy, ma­aaring makatampuhan at makagalit niya ang kan­yang magiging kasosyo.

Kaya ang pinakama­ganda, kung sakali mang magbubukas ng bagong negosyo o pagkakaki­ta­an ang Unggoy, mas ma­inam kung sarili niyang produkto, kalakal at dis­karte ang gagamitin upang kapag tumu­bo ng mala­king halaga, mas matitiyak na mag­ka­karoon siya ng mas ma­rami at masaga­nang pa­kinabang nga­yong 2019.

(Itutuloy)