Lola natagpuang patay
Pabs Hernandez III
Apr 22, 2019
1 min read
CAMARINES SUR—Isang 76-anyos na lola ang natagpuang patay habang nakalutang sa baybaying-dagat ng Bgy. Nato, Sagnay sa lalawigang ito.
Ang biktima ay nakilalang si Hermilia Chebillas, residente ng nasabing lalawigan.
Nabatid na ilang residente ang nakatagpo sa bangkay ng biktima sa naturang lugar.
May hinala ang mga awtoridad na maaari umanong naligong mag-isa sa dagat si Chebillas at dahil sa katandaan ay nalunod ito na naging dahilan ng kanyang kamatayan.
Comments