Dahil sa mine explosion | UN PEACEKEEPER, PATAY

PATAY ang peacekeeper ng United Nations (UN) matapos masabugan ng land mine ang convoy na sinasakyan nito sa Mali.

Batay sa ulat, patungong Burkina Faso Border ang Egyptian contingent ng UN force nang maganap ang insidente. “It was a cowardly attack”, pahayag ni United Nations Multidimensional Integrated Stabilization Mission (MINUSMA) Chief Mahamat Saleh Annadif.

Ayon kay UN Force Commander Dennis Gyllensporre, agad rumesponde ang kanilang hanay at inaresto ang anim na suspek habang napatay ang isa.

Bagama’t, lumagda sa peace agreement ang Mali noong 2015, bigo ang Bamako government na mapigilan ang mga kaso ng karahasan.

Ito ay sa gitna ng mga pag-atake ng Islamic groups na nais sumakop sa hilagang bahagi ng bansa.