Campaign promise ni P-Digong, mga drug lord papatayin; nang manalo, mga adik at pusher ang natodas,
IMBES NA ITABOY, NAKI-JOIN PA ANG PHILIPPINE NAVY SA CHINA NAVY ANNIVERSARY—Noong Abril 16, 2019, nagpadala ang Philippine Navy (PN) ng kanilang barkong pandigma sa West Philippine Sea (South China Sea, ayon sa China).
Inakala ng sambayanang Pinoy na itataboy ng PN ang mga barkong pandigma ng China na nasa WPS, pero hindi dahil kaya pala nagpadala ng barkong pandigma ang Pilipinas sa WPS ay para lumahok sa China Navy founding anniversary, boom!
◘◘◘
SUNDALO, COAST GUARD AT PULIS, DINOBLE ANG SUWELDO PARA “NGUMANGA” LANG SA GINAGAWA NG CHINA SA WPS —Hanggang ngayon, walang ginagawang aksiyon ang Armed Forces of the Philippines (AFP), Philippine Coast Guard (PCG) at PNP-Maritime Group sa pananatili ng mga barkong pandigma ng China sa karagatang sakop ng Pilipinas sa Pag-asa Island.
Sayang ang dobladong suweldong natatanggap nila mula sa buwis na ibinabayad ng mga Pinoy dahil naka-”nganga” lang sila sa pananakop ng China sa WPS, mga buwisit!
◘◘◘
IMBES NA ANG MGA DRUG LORD ANG PATAYIN, MARALITANG ADIK AT PUSHER ANG ITINUTUMBA—Sa kanyang speech sa PDP-Laban campaign rally sa Tuguegarao City, sinabi ni P-Duterte na may anim na drug lords daw sa Cagayan at ipapapatay daw niya ang mga ito.
Ganyan din ang campaign promise ni P-Duterte noong 2016 Presidential Elections na ipapapatay daw niya lahat ng mga drug lord, pero ang masaklap nang maupo sa poder, ang mga nabalitang napatay ay libu-libong maralitang adik at pusher, pwe!
◘◘◘
SI P-DUTERTE NA MISMO ANG NAGSABI, TALAMAK ANG ILIGAL NA DROGA SA BATANGAS—Sa campaign rally ng PDP-Laban sa Batangas City, sinabi ni P-Duterte na talamak daw ang kalakaran ng iligal na droga sa Batangas.
Kung ganu’n, totoo pala ang nakuha nating impormasyon na ang puwesto ng mga video karera ni “Rico” sa Batangas City ay drug den.
Oh, ano pa ang hinihintay ninyo, Mayor Beverly Dimacuha at Lt. Col. Sancho Celedio? Aksiyon na!
Comments