SCUFFLE NINA ABUEVA AT STANDHARDINGER, MAY MULTA

HINDI nakawala sa ha­gupit ng multa sina Christian Standhardinger at Calvin Abueva dahil sa nangyaring banggaan nila sa Game 3 ng PBA Philippine Cup sa pa­gitan ng laban ng San Miguel Beermen at Phoenix Fuel Masters.

Pinagmulta ng halagang P20,000 ang ipinataw kay Beermen player Standhar­dinger dahil sa flagrant foul 2 habang P15,000 kay Abueva ng Phoenix dahil ilang ulit itong sumenyas ng dirty finger sa harap pa man­din ng camera.

Mabuti na lamang at pinagmulta lang silang da­lawa at hindi na sila sinus­pinde.

Nagsimula ang scuffle ng dalawa nang parehong ma­tumba dahil sa pag-aagawan ng bola at doon nasipa ng Filipino-German ang mukha ni Abueva.

Namultahan din si Doug Kramer ng Fuel Masters dahil sa flagrant foul 1 laban kay June Mar Fajardo.

Ayon sa Tweet ni Abue­va na nagpakita pa ng lara­wan ng mga gasgas niya sa mukha at sentido, “ganun talaga, part of the game, semis na, kaya laro lang, walang pikunan..” (MC)