Pinagdudahang kabit ng misis, napikon | PINSAN, PINATAY SA SUNTOK

NASAWI ang 39-anyos na mister matapos suntukin ng pinsan nito, kamakalawa ng gabi sa Dagupan City, Pangasinan.

Nakilala ang biktimang si Michael Torio, 39, may asawa, habang agad nadakip ang suspek na si Jayvee Vinluan, nasa tamang edad, may asawa, kapwa naninirahan sa nabanggit na lugar.

Batay sa imbestigasyon, dakong hapon, masaya pang nag-iinuman ang magpinsan kasama ang mga kaibigan nang hindi na magkaintindihan ang dalawa nang malasing ang nga ito na nauwi sa pagseselos ng biktima sa suspek sa kanyang misis gawa ng masyado madikit sa suspek at nababalitang may ugnayan ang mga ito.

Dahil dito, lumaki ang argumento hanggang sa napikon ang suspek at sinuntok ang biktima.

Dala ng kalasingan, bumagsak ang biktima sa lakas ng suntok ng suspek at nabagok ang ulo nito sa bato na sanhi ng pagkasawi nito.

Agad nadakip ng mga pulis ang suspek na ngayon ay nakapiit na sa Dagupan City BJMP.