Naghugas ng mga paa

Socrates Magnus

Salaminin natin ang panaginip ni Maribel ng Maribel_Alteza_Clemente @facebook.com

Dear Professor,

Ano ang ibig sabihin ng panaginip na naghugas ng mga paa?

Naghihintay,

Maribel

Sa iyo Maribel,

Alam mo, iha, ngayong Holy Week, bukod sa pagpe­penitensiya at pagbabasa ng pasyon, makikita rin natin ang mga alagad ng Diyos, partikular na ang mga pari na naghuhugas ng mga paa ng mga pangkaraniwang tao. Ang mga pari ay itinu­tu­ring na si Kristo dahil sila ang ini­lalarawan bilang Pa­ngi­noon.

Pansamantala, kalimutan mo muna ang mga naririnig at nababasa mo sa mga balita na ang mga pari ay mga phe­dophilia, manyakis at baba­ero, gayundin sila ay sobra kung makadelihensiya sa mga tao, lalo na ‘yung balita na ang pari na may mataas na ranggo ay nanghihingi ng pera para sa kanyang sakit.

Masama man ang larawan ng Inang Simbahan ngayon at mukhang pasama pa nang pasama, hindi lang dito sa atin kundi sa halos lahat ng bansa at maging sa sentro ng pana­nampalataya sa mismong Vatican, hindi pa rin na­tin ma­iaalis na ang mga pari ay simbolo ni Lord Jesus Christ.

Tulad ng nasabi na, nga­yong Holy Week, huhugasan ng mga pari ang mga paa ng mga tao bilang pag-aalala at paglalarawan sa ginawa mis­mo ni Kristo sa paghuhugas ng mga paa sa kanyang mga alagad.

Sabi ng iba, ito ay ritwal, pero, ito ang ritwal na may kabuluhan dahil ang paghu­hugas ng mga paa ng mga alagad ay nagbibigay ng lihim na mensahe na “ngayong ma­linis na ang inyong mga paa, humayo at ipangaral ninyo ang mabuting balita pagka­tapos maipako si Kristo sa krus ng kaligtasan.

Kumbaga, may bagong misyon ang mga alagad, kaya kailangan ay bagong hugas din sila ng mga paa. Hindi na sila simpleng tagasunod lang ni Kristo kung sila na ang mga mangangaral dahil ang mga alagad ay walang ginawa kundi sumunod nang sumu­nod kay Kristo, kumbaga, kung saan siya nagpupunta, nandu’n ang kanyang mga alagad.

Ano ngayon ang konek­siyon nito sa iyong panaginip na naghuhugas ka ng mga paa? Ibig sabihin, ibinabalita ng iyong panaginip na may bagong misyon ka sa buhay mo — bagong pangarap at bagong gustong gawin.

Alam mo, iha, ang isa sa lihim na aral ni Kristo para magtagumpay ang tao sa kan­­yang pangarap o ambis­yon, dapat ay may malinis siyang pagkatao. Ito mismo ang mensahe ng panaginip mo na magkakaroon ka ng malinis na pagkatao at maka­a­asa ka na ang bendisyon ng Diyos ay mapasasaiyo.

Hanggang sa muli, Professor Seigusmundo del Mundo