Kinagat sa puwit | MISTER DEDBOL SA BABOY

TODAS ang magsasaka matapos atakihin ng alagang baboy sa Romblon noong Lunes.

Kinilala ang bktima na si Tanny Baladjay, 58, ng Bgy. Progreso Weste sa bayan ng Odiongan.

Ayon sa pamangkin ng biktima, nag-iigib ang kanyang tiyuhin nang lapitan ng baboy saka inatake.

Sinubukan pa umanong tumakbo ni Baladjay ngunit, nang madapa ay dito na pinagkakagat ng baboy sa kanyang mga binti at puwit.

Isinugod pa sa Isiah Medical Center ang biktima ngunit, idineklarang dead-on-arrival dahil naubusan ng dugo.

Matapos ang pag-atake, kinatay at inilibing ang baboy. (BRT)