Kelot, niratrat ng tanod

KRITIKAL ang 26-anyos na lalaki matapos barilin ng barangay tanod sa Bgy. Pahinga Norte, Candelaria, Quezon.

Ayon sa report, alas-9:45 ng gabi, lasing ang biktimang si John Rey Mercado, 26, nang kausapin ang suspek na si Carlito Alday, 53, may asawa, kapwa residente ng naturang lugar.

Napag-usapan umano ng dalawa ang nawawalang kapatid ng biktima na humantong sa pagtatalo.

Roon nairita ang suspek dahilan para bumunot ito ng baril saka ilang ulit na pinaputukan sa katawan ang biktima.

Tumakas ang suspek dala ang baril sa hindi malamang direksiyon habang isinugod sa ospital ang biktima. Patuloy na ang pagtugis ng mga awtoridad sa suspek.