Wonder Woman, naka-one-piece na… SIGAW NI IZA: DARNA, HINDI DAPAT NAKA-BIKINI!

Anj Cabilla / PAK ANG GANAP!

SAMANTALA, hoping naman ang aktres na si Iza Calzado na palitan ng Star Cinema ang costume ng Filipino superhero na si Darna dahil masyado itong revealing kung saan ikinumpara pa niya ito sa Wonder Woman ng Marvel na ginampanan ng magaling na Hollywood actress na si Gal Gadot.

Aniya, “Palitan na kasi ‘yung costume, hindi ba? Kailangan ba talagang naka-bikini si Darna? Si Wonder Woman nga, naka-one piece, Gal Gadot na ‘yun. Captain Marvel’s in a full suit.”

Sinabi rin ni Iza na kailangang lawakan ang choice ng magiging outfit/costume ng Darna dahil hindi lahat ng aktres ay game na gumawa ng action scenes habang naka-bikini.

“Not that I want it, but you know it’s something that could possibly widen the choices because not everybody will be comfortable [wearing that costume],” ang naging pahayag ni Iza.

Dagdag pa niya, “It’s hard to hit that perfect Darna body that they want. In my opinion kasi, it’s hard to fight justice in a bikini. Kasi there’s a lot of injustice that could happen, hindi ba?”

Noong 2005, ang aktres na si Iza Calzado ang original choice na gumanap sa role na Darna na ginanapan ni Angel Locsin.

Sa ngayon, naghahanap pa rin ang Star Cinema ng bagong aktres na gaganap para sa iconic role na Darna.