UAAP ’81 TENNIS CROWN, BINAWI NG NU BULLDOGS

IBINALIK ng Na­tional University ang korona sa men’s division sa kanilang pa­nig makara­ang igupo ang Ateneo, 3-1, kahapon sa UAAP Season ‘81 men’s lawn tennis tournament fi­nals sa Colegio de San Agus­tin courts sa San Jose Del Monte, Bulacan.

Isinara ng Bulldogs ang best-of-three series sa iskor na 2-1, upang ma­kamit ang kanilang fifth overall crown.

Nagawa ring kumple­tu­hin ng Bulldogs ang ma­ta­gum­pay na pagbabalik ma­tapos pumalya sa pag­sali noong nakaraang sea­son ga­yundin ang double cham­pionships na huli nilang na­gawa noong 2016.

Nauna na nilang inang­kin ang women’s crown sa pa­ngunguna ni Season MVP Clarice Patrimonio.

Ang doubles, tandem nina Jeric Accion at Jus­tine Prulla, ang tumapos ng la­ban para sa Bulldogs, ma­tapos nilang itala ang 6-3, 6-1 panalo laban kina Ju­lian Dayrit at Bong Gon­­zales sa second doubles.

Nauna nang nagwagi para sa NU si Season MVP Wilson Oblea kontra kay Gab Tiamson, 7-6, 3-6, 7-6 (7) sa opening singles, na sinundan ng panalo nina Rookie of the Year winner Rucel Cero at AJ Alejandre laban kina Luke Flores at Erj Gatdula, 2-6, 7-6, 7-6 (8) sa first doubles.

Nakaiwas ang Blue Eagles sa shutout win nang makasingit sila sa second singles sa pamamagitan ng panalo ni Marcen Gonza­les, laban kay Allen Man­la­ngit, 6-3, 1-6, 7-5. (VA)