Batas na sumasaklaw sa pagkuha ng beneficiaries sa proceeds ng life insurance

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Gusto kong malaman kung sakaling ako ay mawawala sa mundong ito, kailan maaaring makuha ng aking mga anak ang proceeds o nalikom kong pera sa aking life insurance? — Rita

Dear Rita,

Para sa inyong kaalaman, ang batas na nakasasaklaw sa inyong katanungan ay ang Section 248 ng Republic Act (R.A.) No. 10607 kung saan nakasaad na:

“”Section 248. The proceeds of a life insurance policy shall be paid immediately upon maturity of the policy, unless such proceeds are made payable in installments or as an annuity, in which case the installments, or annuities shall be paid as they become due: Provided, however, That in the case of a policy maturing by the death of the insured, the proceeds thereof shall be paid within sixty (60) days after presentation of the claim and filing of the proof of death of the insured. Refusal or failure to pay the claim within the time prescribed herein will entitle the beneficiary to collect interest on the proceeds of the policy for the duration of the delay at the rate of twice the ceiling prescribed by the Monetary Board, unless such failure or refusal to pay is based on the ground that the claim is fraudulent.” (Binigyang diin)

Samakatwid, ayon sa batas, ang proceeds ng life insurance ay dapat makuha ng mga beneficiary nito sa loob ng animnapung (60) araw matapos ipakita sa insurance company ang claim para rito pati na rin ang patunay ng pagkamatay ng taong mayroong life insurance.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagtitiwala.