Rider todas sa bus

TODAS ang rider matapos mabangga ng pampasaherong bus ang minamaneho nitong motorsiklo sa Caloocan City, kamakalawa ng tanghali.

Dead-on-arrival sa Caloocan City Medical Center sanhi ng pinsala sa ulo at katawan si Merwen Mataac, 26, ng Torrijos, Marinduque.

Nakapiit na at nahaharap sa kasong reckless imprudence resulting in homicide ang driver ng UD Cher Transport bus (ABG-4602) na si Rogelio Feria, 68, ng Malabon City.

Sa ulat, alas-11:53 ng tanghali, tinatahak ng biktima ang kahabaan ng 6th Avenue at pagsapit nito sa intersection ng Boni Serrano St., Bgy. 112 ay nabangga ito ng pampasaherong bus na minamaneho ni Feria na patungong EDSA.

Sa lakas ng impact, tumilapon ang biktima sa motorsiklo bago bumagsak sa sementadong kalsada na naging dahilan para isugod ito sa naturang pagamutan habang sumuko sa pulisya si Feria matapos ang insidente.