Malinaw ayon sa birthday... MAG-ASAWANG NAKATAKDANG MAKAPAGPATAYO NG BAHAY AT LUPA KU

Maestro Honorio Ong

Dear Maestro,

Sa May 14 ay magsa­sampung taon na kaming kasal ng mister ko at mula nang kami ay magsama, pangarap na naming mag­karoon ng sariling bahay at lupa.

Ngunit, hindi ito matu­tupad kung ang maliit na suweldo lang naming mag-asawa ang aming aasahan.

Sa ngayon, pareho ka­ming factory worker sa pabrika rito sa Bulacan.

Kaya gusto kong humi­ngi ng masusuwerteng nu­mero para matupad ang pangarap naming mag-asawa na magkaroon ng bahay at lupa kahit maliit lang.

Matutupad kaya ang pangarap naming ito? May 7, 1985 ang birthday ko habang August 31, 1978 na­man ang mister ko.

Sana, Maestro ay ma­sagot ninyo ang aking ka­tanungan dahil paminsan-minsan ay tumataya rin kami sa lotto.

Umaasa,

Len-Len ng Tabang, Guiguinto, Bulacan

Dear Len-Len,

Ayon sa sa birth date mong 7 at destiny number na 8 (5+7+1985=1997/ 19+97=116/ 11+6=17/1+7= 8) habang 31 o 4 (ang 31 ay 3+1=4) naman ang birth date ng mister mo na may destiny number na 1 (8+31 +1978=2017/ 20+17=37/ 3+7=10/ 1+0=1), mapalad kayong mag-asawa sa mga numerong may sumatutal na 1, 4 at 7 tulad ng 1, 10, 19, 28, 37, 13, 22, 31, 40, 16, 25, 34 at iba pang kauri nito, lalo na tuwing sasapit ang buwan ng Mayo at Oktubre.

Bukod sa mga nume­rong may sumatutal na 1, 4 at 7, maaari rin ninyong su­bukan ang 1, 14, 20, 23, 28 at 35, gayundin ang 7, 19, 25, 28, 37 at 44.

Dagdag pa rito, upang madali ninyong mahi­gop ang suwerte at magan­dang kapalaran, kailangan ding pa­lagi kayong guma­mit ng masusuwerte nin­yong ku­lay, partikular ang berde at pula upang madali nin­yong maakit ang buwenas na may kaugnayan sa salapi at ma­teryal na ba­gay.

Upang masigurado ang malaking panalo sa anu­mang sasalihang raffle o number games, maghanap kayo ng lotto outlet na ma­lapit sa telecommunication company, gayundin sa pub­lication company at maaari ring lotto outlet na katabi ng computer shop. Ang nasa­bing lotto outlet ang mag­papatama sa inyo ng jack­pot.

Habang, ayon sa Deca­dens ng Kapalaran, sa san­daling sinunod ninyo ang mga simpleng rekomendas­yon sa itaas, tiyak ang ma­gaganap, sa susunod na taong 2020, sa edad mong 35 pataas, malaking halaga ng salapi ang inyong maibu­bulsa, sapat upang makabili na kayo ng sariling house and lot o kaya ay makabili na kayo ng lupa hanggang sa tuluyan n’yo na ring ma­ipa­gawa ang pangarap nin­yong dream house.