Lalawigan hinati na sa 3 | PALAWAN DEL NORTE, PALAWAN ORIENTAL AT PALAWAN DEL SUR

PIRMADO na ni Pangulong Rodrigo Duterte bilang batas ang panukala na maghahati sa Palawan sa tatlong lalawigan.

Batay sa Republic Act No. 11259, papangalanan ang tatlong lalawigan na Palawan del Norte, Palawan Oriental at Palawan del Sur.

Bubuuin ang Palawan del Norte ng anim na bayan kabilang ang Tay-Tay na magsisilbing capital town, Coron, Culion, Busuanga, Linapacan, Tay-Tay at El Nido.

Habang ang Palawan Oriental ay bubuuin ng walong bayan kabilang ang Roxas na magsisilbing capital town, Araceli, Dumaran, Cuyo, Agutaya, Magsaysay, Cayancillo at San Vicente.

Mapupunta naman sa Palawan del Sur ang siyam na bayan kabilang ang Brooke’s Point na magsisilbing capital town, Aborlan, Narra, Quezon, Rizal, Española, Bataraza, Balabac at Kalayaan.

Mayroon namang legislative district ang tatlong lalawigan na ihahalal sa 2022 elections at ang Puerto Princesa City ay mayroong isang Legislative District.

Mananatili pa ring Legislative Representatives sa lalawigan ang mga nakaupong kongresista hanggang sa makapaghalal ng mga bago.