Dalagang tinulungan ang pulubi

Dear Roma,

Dear Roma,Ako si Ailish, 18 years old at kasalukuyang nag-aaral. Minsan pagsakay ko ng jeep sa Maynila, mayroong pulubi na big­lang sumakay at nang­hihingi ng pera. Binigyan ko ‘yung bata at bigla akong sinigawan ng dri­ver na kinukunsinti ko raw ‘yung bata, dapat daw ay hindi ko binigyan para madala. Nainis lang ako sa manong driver. Ano ang masasabi ninyo sa nangyaring ito? — Ailish

Ailish,

Hindi naman masa­ma ang pagtulong, sabi nga ni Lau Tzu, “bigyan mo ng isda ang tao at siya’y na­pakain mo ng isang araw” ngunit, may punto rin na­man ang manong driver. Paano kung sa ganu’ng buhay na lamang siya masanay? May posi­bilidad na makalakihan na niya ang ganu’ng gawain at hindi na siya magsikap sa buhay. May mga pagka­kataon pang dahil sa na­sanay silang mayroong nagbibigay sa kanila, su­masama ang loob nila at nananakit ng mga pasa­hero kapag wala ni isa ang nag-abot sa kanila. Ano ba ang alam natin sa pi­nag­gagamitan nila ng perang ibibinigay ng mga tao? Maraming kabataan sa ilalim ng tulay na imbes na tinapay ang hawak eh, rugby ang pinagkakaaba­lahan. Ngunit, tulad nga ng nabanggit, hindi ma­sama ang tumulong, min­san, mayroon ding mga “no choice” lang kaya nag­lakas-loob ibaba ang pride para lamang ma­kahagi­­lap ng pera, tulad ng ibang batang humihi­ngi ng tu­long sa mga pa­sahero ng jeep dahil ka­ilangan ng nanay o kapa­tid nila na nasa ospital. May­roong pagkakataong totoo ang mga ganitong se­naryo, kaya naman ma­ging ma­talino rin tayo sa ating pag­tulong dahil baka im­bes na akala na­tin ay tunay ngang na­katulong tayo, hindi natin alam na naka­sama pa pala tayo. God bless you!