Pira-pirasong parte ng Japanese aircraft, natagpuan

Patuloy ang paghahanap sa nawawalang piloto ng bumagsak na Japanese aircraft sa Pacific Ocean.

Ito ay matapos matuklasan ang pira-pirasong parte ng Japanese F-35 stealth fighter na bigla na lamang nawala sa radar.

Sa panayam kay Defence Minister Takeshi Iwaya, narekober umano ang ilang parte ng nasabing eroplano habang isinasagawa ang search operations sa dagat.

Alas-10:30 ng gabi nang mawala sa radar ang fighter jet na lumilipad ng 135km o 84 miles sa silangang bahagi ng Misawa, Japan.

Nagawa pa umanong magpadala ng abort mission signal ng nawawalang piloto subalit, kalaunan ay nahirapan na silang kontakin ito.

Sa ngayon, sinuspinde muna ng Japan ang pagpapalipad sa 12 natitirang F-35 fighter jets.