Pagnilayan at dasalan ang pitong iba't ibang eksena sa buhay ni HesuKristo

FR. ROBERT P. REYES / KAPAAYAPAAN

TAUN-TAON tuwing Sabado bago ang Ling­go ng Palaspas, ginaga­nap ang kakaibang Visita Iglesia sa lalawigan ng Batangas. Ang simpleng yayaan ng mga magka­kaibigan sa Semana Santa noong 2012 ay naging ganap nang de­bosyon ngayon. Magki­kita-kita sa Malvar, Batangas ang mga mana­nampalataya at siklistang nais mana­langin kasabay ng kanilang pagbibisikleta. Ngayong araw, ika-13 ng Abril 2019, muling papadyak ang mahigit 300 siklista sa pitong Simbahan ng Batangas. Hindi lang sila magpa­papawis kundi manana­langin nang taimtim sa loob ng pitong Simba­han upang muling isa­gawa ang naturang “Bisikleta Iglesya”.

Magaganap ang kakaibang paggunita sa buhay, paghihirap, ka­matayan at muling pagkabuhay ng ating Panginoong Hesu­Kristo. Habang nagbibi­sikleta at pumapadyak ang mahigit na 300 siklista, sila ay magni­nilay-nilay at manana­langin. Sa halip na sundin ang karaniwang 14 na istasyon ng krus para sa pitong Simbahan o dalawang istasyon sa bawat Simbahan, sisi­kapin nating pagnilayan ang pitong eksena sa buhay ni HesuKristo na pawang hagdanang hahantong sa katuparan ng misyon ni Hesu­Kristo na sumusunod sa banal na kalooban ng Diyos Ama. Narito ang pitong eksena na pagni­nilayan; magdarasal ang mga siklista sa pitong Simbahan gamit ang kani-kanilang bisikleta:

1. Ang huling hapu­nan.

2. Ang pananala­ngin sa halamanan ng Geth­semane — pagtanggap sa kalooban ng Diyos at pagtataksil ng isang kaibigan.

3. Ang pagharap kina Anas at Caiphas — ang bulaang saksi, ang hindi pagtanggap kay Hesu­Kristo bilang Mesias.

4. Ang pagharap kina Pilato at Herodes — ang pasahan ng panana­gutan ng paghatol; pamumunong takot sa katotohanan. Alam nina Pilato at Herodes ang totoo ngunit, hindi nila kayang panindigan at ipaglaban ito, ang pagbigay ng hatol ni Pilato.

5. Ang pagpapasan ng krus — ang pagka­kadapa ni HesuKristo

6. Ang pagtulong ni Simon — ang pagsa­lubong sa kababaihan ng Jerusalem.

7. Ang pagpako kay HesuKristo sa krus — ang paglitaw ng mga lihim na disipulo. Ang pagsunod ng kababa­ihang disipulo hanggang kalbaryo.

Sinu-sino ang mga naging instrumento upang matupad ang huwad na paghuhusga kay HesuKristo? Naro­on ang mga makapang­yarihang tao na ginamit sa mali ang kanilang husay at kapangyarihan. Hindi Hudyo si Pilato, ayaw nitong gawan ng anuman si HesuKrito subalit, dahil sa kan­yang kahinaan bilang pinuno, higit na pina­kinggan o pinagbigyan nito ang galit na tinig ng taum­bayan.

Gaano karami ang mahihina at madaling magkompromisong lider sa kasalukuyang panahon? Maaari bang ihambing ang mga sitwasyon at taong sangkot noong pana­hon ni HesuKristo ngayong kasalukuyang panahon?

Ito ang pangunahing dahilan ng “Bisikleta Iglesya”. Kailangan na­ting makita ang malalim na koneksiyon ng mga pangyayari noong pa­nahon ni HesuKristo sa kasalukuyang buhay natin. Kailangan nating makita ang paulit-ulit na eksena mula noong panahon ni HesuKristo hanggang sa hindi na tayo magulat sa maka­mandag na epekto ng kasamaan at kasalanan ng tao sa sangkatauhan, lipunan at kalikasan.

Nagpapatuloy ang makamandag na pagta­taksil ng mga pinuno sa katotohanan at kataru­ngan, gayundin ang kanilang pagsira at paglulustay sa mga institusyong nilikha upang protektahan ang kapakanan ng mama­mayan. Silang mga inihalal upang mag­lingkod sa bayan at sa mamamayan na mis­mong “kalaban o katunggali” ng mga ito.

Salamat sa munting sakripisyo ng mga siklista, muling mabu­buhay ang katarungan at kaligtasan ng Diyos. Hindi lang nakapagpa­palakas ng katawan ang pabibisikleta kundi nakapagpapalinaw ito ng isipan, puso at diwa, gayundin, tumutulong ito upang maging mati­yaga at manatiling tapat hangga't hindi natata­pos ang pagpadyak tungo sa pitong Sim­bahan. Habang tumitibay at lumalakas ang puso, mga binti at baga ng mga siklista, gayundin ang kanilang isip, diwa at kaluluwa ng mga ito. Salamat sa “Bisikleta Iglesya”.

Tara na, padyak na, magdasal at magnilay tayo sa mga nakaliligtas na misteryo sa buhay ng ating Panginoong He­su­­Kristo, tara na sa Bisikleta Iglesya!