GIYERA SA WPC 9-COCK INT’L DERBY

IKINAKASA na ang huling preparasyon para sa pinakamabangis at kinikila­lang sabong sa Pilipinas, The World Pitmasters Cup (WPC) 9-Cock International Derby, matapos ang mata­gum­pay na Press Confe­rence kahapon na ginanap sa Grand Bar, Resorts World Manila.

Hosted nina Charlie “Atong” Ang, Mr. Gerry Ra­mos, Engr. Sonny Lagon, Mr. RJ Mea, Agusan Del Sur Gov. Eddiebong Plaza at inasistehan ni Eric dela Rosa, ang edition ng WPC na gaganapin mula Abril 21-30, 2019 sa Resorts World Manila.

Bibira sa Abril 21, 22, 23 ang 2-Cock Elimination rounds, sa Abril 24 ang 6-Cock Big Event habang sa April 25, 26 at 27 itinakda ang 3-Cock Semifinals.

Nakatakda sa Abril 28 ang BMEG Integra Powermaxx Cup 6-Cock Derby, kasabay ng Pre-Final Round para sa qualifiers na nakabuo ng tig-3 at 3.5 na puntos habang sa April 30 sisiklab ang Grand Finals ng entries na may 4,4.5 at 5 points.

Kinikilala ng Games and Amusements Board ang siyam na araw na sabong na co-presented ng Resorts World Manila at inisponso­ran ng Thunderbird, VNJ Distributors, atbp.

Kung may tanong ay maaaring sumilip sa World Pitmasters Cup International Derby -WPC Facebook page. (MC)