Batas na nagsusulong ng turismo sa mga sakahan at palaisdaan!
Dear Chief Acosta,
Magandang araw! Marahil, alam ng marami na malaki ang kapakinabangan ng sakahan at palaisdaan sa buhay ng sinuman dahil ito ang pinagkukunan ng mga pangunahing pagkain natin. Bilang estudyante, gusto ko sanang malaman kung mayroon bang batas tungkol sa pagsusulong ng turismo sa mga sakahan at palaisdaan? Maraming salamat! — Juan
Dear Juan,
Para sa inyong kaalaman, ang inyong katanungan ay binigyang-linaw ng Section 4 ng Republic Act No 10816 o mas kilala sa tawag na “Farm Tourism Development Act of 2016” kung saan ipinag-uutos ang pagbabalangkas at pagpapatupad ng Farm Tourism Strategic Action Plan:
“Sec. 4. Farm Tourism Strategic Action Plan. – There is hereby mandated the formulation and implementation of the Farm Tourism Strategic Action Plan, herein referred to as the Plan, which shall be the comprehensive set of programs, projects and activities for the growth of farm tourism in the country. The Plan shall be integrated and be made consistent with the National Tourism Development Plan.
The Plan shall cover, among others, the following areas of concern: investment promotion and financing; market research, trends, innovations, and information; accreditation of farm tourism camps; market promotion and development; agriculture and fishery research, development and extension; institutional and human resource development; and infrastructure support. It shall likewise define the roles and responsibilities of national government agencies, local government units (LGU), farm tourism operators, educational institutions, and other industry stockholders in the implementation of the Plan.”
Ayon sa nasabing batas, layunin ng Farm Tourism Strategic Action Plan na palaguin ang farm tourism. Ang saklaw ng nabanggit na plano ay ang mga sumusunod: (a) pag-promote ng pamumuhunan; (b) pananaliksik sa merkado, uso, pagbabago at impormasyon; (c) accreditation ng farm tourism camps; (d) promosyon at pagpapaunlad ng merkado; (e) pananaliksik, pagpapaunlad at pagpapalawig ng agrikultura at palaisdaan; (f) institutional and human resource development at (g) suporta sa imprastruktura.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.
Comments