Alamin mula kay Maestro... SADLAKANG KAPALARAN NG MGA IPINANGANAK SA YEAR OF THE MONKEY

Maestro Honorio Ong

SA pagkakataong ito, ang pangunahing kata­ngian at sadlakang kapa­la­ran ng animal sign na Unggoy o Monkey nga­yong 2019 ang ating ta­talakayin.

Tandaang, ikaw ay ma­pa­bibilang sa Year of the Monkey kung ikaw ay isi­nilang noong 1932, 1944, 1956, 1968, 1980, 1992, 2004 at 2016.

Ang Year of the Monkey ay pinaghaharian ng implu­wensiya ng planetang Sun sa Western Astrology at siya ring kumakatawan sa zodiac sign na Leo.

Sinasabing higit na ma­harot at masayahin ang mga Unggoy na isinilang sa pana­hon ng tag-araw o tag-init kung ikukumpara sa mga Unggoy na isinilang sa pana­hon ng tag-ulan o taglamig.

Isa sa mga pangunahing katangian ng Unggoy ay ang malakas ang loob, hindi na­tatakot na magpabaging-ba­ging nang paisa-isang ka­may sa ugoy ng kapalaran at ni min­san ay hindi nila ini­­sip na sila ay ma­huhu­log.

Ang pa­giging ma­lakas ang loob nito ay ka­dalasang nagtu­tulak sa Unggoy na su­mubok sa mga bagay na ma­pa­nga­nib, pero ang kahanga-hanga sa kanilang tadhana, kahit na gaano pa kapanga­nib ang sit­wasyon na kani­lang pinasu­kan, tiyak na­mang sa dakong-huli, sila ay ililigtas ng langit, kaya pani­guradong hindi ta­laga sila mapapahamak.

Bukod sa mahilig sumu­ong sa mga panganib, naka­gaganda rin sa damdamin ng Unggoy ang pakikipagsapa­laran. Tunay ngang minsan ay natatalo, subalit, mas ma­da­las na nananalo ang Ung­goy sa anumang uri ng paki­ki­pag­sapalaran na kanilang sasali­han.

Dahil likas ngang masa­yahin at maliksing kumilos ang Unggoy, hindi sinasad­yang nahahawahan tuloy nila ng kaharutan at kasiglahan ang mga taong nakapaligid sa kanila, kaya naman ‘yung mga tatamad-tamad kapag nakasama ang Unggoy ay tiyak na sisipagin habang ‘yung mga malungkot kapag nakasama ang Unggoy ay ma­tututong ngumiti kahit na papaano at magiging mali­gaya na rin habang kapiling nila ang komikero at mapag­birong Unggoy.

Mahusay ding magpa­tawa ang mga Unggoy at mag-entertain ng kanilang mga kasama. Kaya kapag may kaibigan o kabarkada kang Unggoy, tiyak na hindi kayo mababato dahil ang Unggoy ang tiyak na mag­papatawa at siyang lilibang sa mga taong nakapaligid sa kanya.

Kaya ang pamilya na may Unggoy sa kanilang ta­hanan ay itinuturing na ma­palad dahil ang nasabing Ung­goy ang magdadala ng saya at ligaya sa bawat mi­yembro ng mag-anak at ang kaligaya­hang ito ang aakit ng dagdag pang suwerte at ma­gandang kapalaran sa buong pamilya.

Pangkaraniwan ding ma­bilis mag-isip at kumilos ang Unggoy, kaya naman ka­pag may prob­lema ang pa­milya, ang grupo o ang barkada­han na may ka­saping Unggoy ay ma­dali nilang maso­solusyu­nan ang kanilang suliranin sa pamamagitan ng mabi­lisang pormula o epektibong para­an na maiisip kaagad ng tuso at matalinong Unggoy.

Sa kabila ng katotoha­nang ang Unggoy ay talagang masarap kasama, mapagpa­tawa at masayahin, ang hindi alam ng marami, sa kabila ng mapagbirong disposisyon ng pagkatao ng Unggoy, siya pala ay may pusong mamon at may pagkamaramdamin.

Kaya masasabing ang tunay na larangan ng Unggoy ay nahahawig sa payasong mapagpatawa sa tanghalan ng buhay, ngunit, walang na­kababatid na sa kaibuturan ng kanilang puso ay may ma­lalim na kalungkutan at lumbay silang nararamda­man.

(Itutuloy)