PINOY PACIO, BABAWIAN ANG HAPON SA ONE C’SHIP

“BABAWI ako at ipag­hihiganti ko ang aking pagkatalo sa kan­ya noong nakaraang Ene­ro. Nag-ensayo at nag­handa ako nang husto dahil gusto kong maka­ganti at mabawi ko uli ang aking korona. Hindi ako makaka­payag na mabigo muli sa harap ng aking mga kababa­yan na umaasa sa aking tagumpay.”

Ito ang matapang na sinabi ni dating champion Joshua Pacio mata­pos ang faceoff nila ni Japanese Yosuke Saru­ta na ginawa sa City of Dreams sa araw ng pagdiriwang ng “Araw ng Kagitingan” kung saan sasariwain nila ang la­banan ng Pilipinas at Japan noong World War II hindi sa baril kundi sa ring.

Haharapin ni Pacio si Saruta sa five rounds “grudge fight” sa laba­nang “survival of the fittest” kung saan ang ibang magkakalaban ay nagpatutsadahan sa isa’t-isa na idaraos sa Abril 12 sa Mall of Asia Arena.

Sinabi ng 23-anyos na si Pacio, tubong Benguet at kababayan ni dating kampeon Eduard Folayang na pinaghan­daan niya ito nang husto at gusto niyang ipaghi­ganti ang kanyang pag­katalo at bawiin muli ang kanyang korona na ina­gaw sa kanya noong na­karaang Enero. Itataya rin ni Australian residence Vietnamese born Martin Nguyen ang korona sa featherweight laban kay Jadamba Na­rantungalag sa 5 rounds na sagupaan.