LRT walang biyahe mula April 18-21

SUSPENDIDO ang ope­­rasyon ng Light Rail Transit Line 1 (LRT-1) at Line 2 (LRT-2) sa Huwebes Santo, Abril 18, hanggang Linggo ng Pagkabuhay, Abril 21.

Nag-abiso rin ang LRT Authority (LRTA) na pai­ikliin nila ang operating hours ng LRT 2 sa Miyerkules Santo.

Nabatid na ang huling biyahe ng tren ng LRT-2 mula Santolan, Pasig City, sa nasabing araw ay hang­gang alas-7:00 ng gabi lamang habang alas-7:30 ng gabi ang last trip ng tren galing sa Claro M. Recto Avenue sa May­nila.

Una nang nagpaabiso ang pamunuan ng Metro Rail Transit Line 3 (MRT-3) na simula sa Lunes Santo, hanggang Linggo ng Pag­kabuhay ay sus­pendido ang kanilang operasyon para sa kani­lang annual maintenance shutdown.

Inaasahang mag­ba­balik sa normal ang ope­rasyon ng tatlong mass railway system sa Abril 22, Lunes.

Ang LRT-1 ay bumi­biyahe mula sa Roosevelt, Quezon City hanggang Baclaran, Parañaque City at pabalik, habang ang LRT-2 naman ang nag­durugtong sa Santolan sa Pasig City patungong Recto sa Maynila at vice versa.