11,500 pulis itinalaga sa paggunita ng Semana Santa

NAGBIGAY ng seguridad sa publiko kaugnay sa paggunita sa Semana Santa at bakasyon sa eskuwela ang National Capital Region Police Office (NCRPO) na nagsimulang magtalaga ng nasa 11,500 police personnel sa buong Metro Manila, kahapon.

Ayon kay NCRPO Director Police Major General Guillermo Eleazar, ipakakalat ang itinalagang police personnel sa mall, simbahan, recreational areas, bus terminals, airports, seaports at train stations.

Ayon pa sa NCRPO director, hanggang Hunyo 3, 2019 naka-“full alert status” ang buong Metro Manila .

Mahigpit nitong ipinag-utos sa mga District Director, Chief of Police at Station Commander ang paglalagay ng mga Police Assistance Desk at iba pang pre-emptive measures habang ginugunita ang Lenten Season at bakasyon. Nakipag-ugnayan din ang NCRPO sa AFP, LGU Force multipliers, Volunteer Groups at iba pang Concerned Agencies.