15 yrs. old ni-rape ni ‘tatay’

SWAK sa kulungan ang tricycle driver na inireklamo ng panghahalay sa 15-anyos na dalagita na anak ng kanyang kinakasama sa loob ng kanilang bahay sa Bgy. La Huerta, Parañaque City, Lunes ng hapon.

Hinuli ng mga tauhan ng Parañaque City Police ang suspek na si Danilo Gamil, 54, ng Bgy. La Huerta habang kinilala ang biktimang si ‘Loren’, Grade 9 student, ng San Dionisio, Parañaque City.

Sa salaysay ni ‘Loren’, umalis ng bahay ang kanyang ina, ala-1:00 ng hapon at dito na sinamantala ng suspek ang pagkakataon saka hinalay ang biktima.

Pagtapos ng panghahalay, nagbanta umano ang suspek na huwag magsusumbong sa ina at papatayin sila kung magsusumbong ito.

Agad ipinagbigay-alam ng biktima ang sinapit sa kanyang tiyahin at nagsumbong sa mga awtoridad.

Mariing itinanggi ng suspek ang paratang sa kanya habang nahaharap ito sa kasong rape.